Оспанов Къосам

***

Шозза тIекIелдина
Каш-лахьта шелдина,
Сацо безаш бара цхьамза,
ГIамар-сахьтан гIамар-цхьамза;
Сацон дезаш - маьлхан сахьт а,
Цуьнца цхьаьна массо сахьт а;
Сацо езаш яра хан а,
Йоьду хан а, йогIу хан а;

Сацо езаш яра хьо а,
ХIара де а, хIара шо а;
Нахах яьлла нахе гIойла
Хьох ца йина йолу ойла:
Са цо оту, са цо огу,
ДIа ца йолу, схьа ца йогIу.
Сацо дезаш дара латта -
Стенгахь ю хьо, хьоьга хатта.